“ဖုန်းအဝယ်မမှားစေဖို့”

ယနေ့အခါမှာ စမတ်ဖုန်း second ဈေးကွက်က တော်တော်လေးတွင်ကျယ် တယ်လို့ဆိုနိုင်မှာပါ။ အများစုသော စမတ်ဖုန်းသုံးစွဲသူများက အကြောင်း အမျိုးမျိုးကြောင့်မိမိတို့ရဲ့ ဖုန်းတွေကိုပြန်လည်ရောင်းချလေ့ရှိပါတယ်။ မော်ဒယ်အမြင့်ကိုင်ချင်တာ၊ ငွေလိုတာ၊လက်ရှိကိုင်နေတဲ့ဖုန်းကို ရိုးအီ သွားပြီး နောက်ထပ်အသစ်တစ်လုံးကိုင်ချင်တာ စတာတွေကြောင့် မိမိနဲ့ နီးစပ်ရာ သူငယ်ချင်းတွေကိုပဲဖြစ်ဖြစ်၊ အွန်လိုင်းမှာပဲဖြစ်ဖြစ်၊ စမတ်ဖုန်း အဟောင်းဝယ်ရောင်းဆိုင်တွေကိုပဲဖြစ်ဖြစ်ရောင်းချလေ့ရှိပါတယ်။ အဲဒီ နေရာမှာ စမတ်ဖုန်းဝယ်ယူမဲ့သူတစ်ယောက်အနေနဲ့ ဈေးနှုန်း သက်သက် သာသာနဲ့ဝယ်ယူနိုင်တဲ့အတွက်စိတ်ဝင်စားကြမှာဖြစ်ပါတယ်။ သို့သော် တစ်ခုရှိတာက မိမိဝယ်ယူမယ့်ဖုန်းက အစစ်လားအတုလား(Genuine လား Clone လားပေါ့) သိရှိထားမယ်ဆိုလျှင်တော့ clone ဝယ်ယူမိတဲ့ပြဿနာကို ကာကွယ်ပြီးသားဖြစ်မှာပါ။ထို့အတူ ဖုန်းဆိုင်များမှာဝယ်ရင်လည်း အတုလား အစစ်လားသိထားဖို့လိုအပ်မှာဖြစ်ပါတယ်။ အများစုသောသူများအနေဖြင့် တော်ရုံတန်ရုံတော့ သိပ်နားလည်မှာမဟုတ်တဲ့အတွက် ဈေးနှုန်းကို ကြည့်ပြီးသက်သာတယ်ဆိုတာနဲ့ဝယ်ယူကြမှာအမှန်ပါပဲ။ကိုးစားယုံကြည် ထိုက်သောဆိုင်ကြီးတွေမှာတော့ clone တွေဝယ်ယူမိဖို့ အခွင့်အလမ်း သိပ်မရှိပေမဲ့ အချို့သော ဆိုင်တွေမှာတော့ clone တွေကို ရောင်းနေကြ ပါတယ်။Clone လို့ပြောရောင်းလျှင်ကိစ္စမရှိသော်လည်း အစစ်လိုလို ဘာလိုလိုနဲ့ ရောင်းချမယ်ဆိုလျှင်တော့ဝယ်ယူမိသူတွေမှာ တော်တော်လေး နစ်နာမှာဖြစ်ပါတယ်။အများစုဖြစ်တတ်တာက နည်းပညာနဲ့ပတ်သက်ပြီး ရင်းနှီးကျွမ်းဝင်မှုအားနည်းလှတဲ့လူကြီးတွေအနေနဲ့ clone ကို တကယ့် အစစ်ဖုန်းကဲ့သို့ ထင်ပြီးဝယ်ယူမိတာတွေရှိပါတယ်။ သူတို့ကတော့ တံဆိပ် နဲ့ပုံစံကိုပဲသိတာများတဲ့အတွက် အထက်ကဆိုခဲ့သလို အဟောင်း ဈေးကွက် မှာပဲဖြစ်ဖြစ်၊ အချင်းချင်းပြန်ရောင်းတဲ့အခါမှာပဲဖြစ်ဖြစ် clone ကို ဝယ်မိလျက်သားဖြစ်နေတတ်ပါတယ်။အချို့ကသိသိနဲ့လိမ်ရောင်းတာမျိုး တွေရှိပါတယ်။ Clone ကို ငွေအရေးတကြီးလိုလို့ မရောင်းချင်ဘဲရောင်းချ ရတဲ့ပုံစံမျိုးနဲ့ သိပ်နားလည်တဲ့သူတွေကို ဈေးသက်သာစွာရောင်းချလေ့ရှိပါ တယ်။

ဝယ်ယူသူတွေကလည်း ဘာပဲဖြစ်ဖြစ် သက်သက်သာသာနဲ့ရမယ်ဆိုတော့ သိပ်မစဉ်းစားမိဘဲဝယ်ယူမိတတ်ကြပါတယ်။ တစ်ခါတစ်ရံမှာ နိုင်ငံခြားသား တွေကလည်း စားရိတ်ပြတ်တဲ့သဘောနဲ့ clone တွေကိုရောင်းချလေ့ ရှိပါ တယ်။ နိုင်ငံခြားသားဆိုတော့ တော်ရုံတန်ရုံယုံကြည်ကြပြီးဝယ်ယူမိတတ်ပါ တယ်။ ဒီတော့ကျွန်တော်တို့ ဖုန်းတစ်လုံးကိုဝယ်ယူတော့မယ်ဆိုလျှင် သိထားသင့်တာလေးတွေကို လေ့လာကြည့်ကြရအောင်။ သေချာတာ ကတော့ ကျွန်တော်တို့ ဝယ်ယူမယ့်ဖုန်းရဲ့ သက်ဆိုင်ရာ Show Room တွေ၊ စိတ်ချရတဲ့ဆိုင်ကြီးတွေမှာဝယ်ယူသင့်ပါတယ်။ Clone တွေကများသော အားဖြင့် လူကြိုက်များသော Brand တွေမှာအတွေ့ရများပါတယ်။ ဖြစ်နိုင် လျှင်တော့ မိမိတို့ ဝယ်ယူမယ့်ဖုန်းအမျိုးအစားနဲ့တူညီတဲ့ဖုန်းက ကိုယ့်အသိ မှာရှိလျှင် ယူသွားပြီး ပုံစံကိုတိုက်ဆိုင်စစ်ဆေးနိုင်ပါတယ်။ ဒါက အပြင်ပိုင်း ပေါ့။ ဘာပစ္စည်းတွေသုံးထားလဲ၊ ဘယ်လိုပုံစံတည်ဆောက်ထားလဲ၊ အလေးချိန်၊ ရုပ်ထွက်စတာတွေကို တိုက်ဆိုင်စစ်ဆေးနိုင်ပါတယ်။ နှိုင်းယှဉ် လိုက်လျှင် တစ်ထပ်တည်းတော့လုံးဝမကျနိုင်ပါဘူး။သိသိသာသာကွဲပြားနေ မှာဖြစ်ပါတယ်။ မျက်နှာပြင်ဘေးဘောင်ရဲ့ နေရာယူမှု အထူအပါး၊ resolution, ကင်မရာအရည်အသွေးတွေသိသာစွာကွာနိုင်ပါတယ်။ဂရပ်ဖစ် အရည်အသွေးနဲ့ပတ်သက်ပြီး D-Day တို့ Contract Killer တို့လိုမျိုး ဂရပ်ဖစ် လိုအပ်ချက်မြင့်မားတဲ့ ဂိမ်းတွေတင်ကာ တပြိုင်နက်တည်းဖွင့်ထားကြည့်ပါက ဖုန်းအတုများမှာ နှေးကွေးစွာ run မှာဖြစ်သလို hang သွားတာတွေဖြစ်မှာ ပါ။ အထူးသဖြင့် home ခလုတ်၊ power ခလုတ်နဲ့ volume ခလုတ်တွေက သိသာစွာကွာခြားလှပါတယ်။ iPhone Clone တွေဆိုလျှင် power ခလုတ်က သိသာစွာကွဲပြားတာကိုတွေ့ရမှာပါ။

ဘက်ထရီကာဗာကို ချွတ်ပြီး တိုက်ဆိုင် စစ်ဆေးကြည့်ရင် အချို့သော အစိတ်အပိုင်းတွေ၊နေရာချထားမှုတွေ( Sim card slot လိုမျိုး)က original နဲ့ ကွဲပြားနေမှာဖြစ်ပါတယ်။ Battery specification တွေက ကွဲပြားနေတာ တို့ဖြစ်မှာပါ။iPhone ကတော့ clone ဟုတ်မဟုတ်စစ်ရတာလွယ်ပါတယ်။ iTunes App Store က iOS apps တွေတင်တဲ့အခါ ရနိုင်မှာမဟုတ်ပါဘူး။ Android ကို iOS ပုံစံပြောင်းထားတာဖြစ်ပါတယ်။မိမိတို့ဝယ်ယူမယ့် ဖုန်းရဲ့ specification ကို GSMArena (သို့မဟုတ်) Official website မှရယူကာ တိုက်ဆိုင်စစ်ဆေးကြည့်နိုင်ပါတယ်။ ဖုန်းရဲ့ spec တွေကို third-party app တစ်ခုဖြစ်တဲ့ Antutu Benchmark ကို Google Play မှ download လုပ်ကာ ရယူပြီးစစ်ဆေးနိုင်မှာဖြစ်ပါတယ်။ အကယ်၍ ဖုန်းရဲ့ထုတ်လုပ်သူက အခြား နာမည်တစ်ခုကို ဖော်ပြနေတယ်ဆိုလျှင် အဲဒါဟာ clone ဆိုတာသိနိုင်မှာဖြစ် ပါတယ်။ နောက်ထပ်အရေးကြီးတဲ့အချက်တစ်ခုကတော့ IMEI code ကို စစ်ဆေးတာပဲဖြစ်ပါတယ်။ iPhone မှာတော့ သူ့ရဲ့ Serial Number ကို Settings>General >About Phone ကနေရယူပြီး https://selfsolve.apple.com/agreementWarrantyDynamic.do သို့ဝင်ကာစစ်ဆေးနိုင်ပါတယ်။ အကယ်၍ iPhone က clone ဆိုလျှင် တော့ “We’re sorry,but this serial number is not valid. Please check your information and try again,” ဆိုပြီးဖော်ပြမှာဖြစ်ပါတယ်။ Android သုံးစွဲသူ များအဖို့ IMEI code ကို handset ရဲ့ နောက်ကျောဘက်မှာကပ်ထားတဲ့ sticker ကနေကြည့်နိုင်ပါတယ်။ မရှိဘူးဆိုလျှင်တော့ Settings>About>Status ကနေရယူနိုင်သလို *#06# ကိုရိုက်ထည့်ကာ ဖုန်းခေါ်ပြီး IMEI code ကို ရယူနိုင်ပါတယ်။ IMEI code ကိုရရှိပါက အဆိုပါ code ကို imei.info သို့သွားပြီး box ထဲမှာရိုက်ထည့်ကာ “Check” ကိုနှိပ်ပြီးစစ်ဆေးနိုင်မှာဖြစ်ပါတယ်။

အဲဒီအခါ ဖုန်းရဲ့ information တွေကိုပြသမှာဖြစ်ပြီး ကိုယ့် Handset နဲ့ အချက်အလက်တွေကွဲနေပါက clone ဆိုတာသိနိုင်မှာဖြစ်ပါတယ်။
Samsung ဖုန်းတွေအတွက်ဆိုလျှင် Samsung Kies ဆိုတဲ့ ဆော့ဖ်ဝဲကိုhttp://www.samsung.com/ph/support/usefulsoftware/KIES/ ကနေ ရယူပြီး သင့်ရဲ့ပီစီမှာတင်ကာ ဖုန်းကို USB နဲ့ချိတ်ဆက်လိုက်တဲ့အခါ သင့် Samsung ဖုန်းရဲ့ Device Name တွေ၊ Firmware information တွေနှင့် ဖုန်းနဲ့ပတ်သက်တဲ့ specification တွေကိုပြသမှာဖြစ်ပါတယ်။ အကယ်၍ မိမိချိတ်ဆက်လိုက်တဲ့ device ကို ချိတ်ဆက်နိုင်ခြင်းမရှိဘဲ not recognized ဖြစ်နေကာ နောက်ထပ် connect ထပ်လုပ်ခိုင်းတဲ့အခါတွေမှာလည်း ချိတ်ဆက်လို့မရနိုင်သေးဘူးဆိုလျှင် အဲဒါက Samsung Galaxy ဖုန်း မဟုတ်ဘူးဆိုတာပြသတာပဲဖြစ်ပါတယ်။ ထို့ပြင် Galaxy device တွေမှာ အသုံးပြုနိုင်တဲ့ Samsung codes တွေကိုရိုက်ထည့်ပြီး ဖုန်းခေါ်ဆိုကာ စစ်ဆေးနိုင်ပါသေးတယ်။ အသုံးများတဲ့ code အချို့ကတော့ *#1234#[Display device current firmware],*#*#1472365#*#*[GPS test settings],*#0*#[General Test Mode],*#*#197328640#*#*[Service mode main menu] စတာတွေပဲဖြစ်ပါတယ်။ အရှေ့က code တွေကို ရိုက်ထည့်ကာ dial လုပ်လိုက်လျှင် ကွင်းထဲမှာဖော်ပြထားသော လုပ်ငန်းစဉ်များကိုလုပ်ဆောင်သွားမှာဖြစ်ပါတယ်။ အကယ်၍ မရဘူးဆိုလျှင် တော့ Samsung မဟုတ်ဘူးဆိုတာဖော်ပြနေတာပဲဖြစ်ပါတယ်။

တစ်ဆက်တည်းမှာပဲ IMEI code နဲ့ပတ်သက်တဲ့ဗဟုသုတလေးကိုဝေမျှချင် ပါတယ်။ IMEI code ဟာ ဂဏန်း 15 လုံးပါဝင်မှာဖြစ်ပါတယ်။ ဥပမာအားဖြင့် 358893057470323 ဖြစ်ပါတယ်။ အဲဒီမှာ နံပါတ် ၇နဲ့၈ ခုမြောက် ဖော်ပြ တဲ့ ဂဏန်းများက ဖုန်းထုတ်လုပ်တဲ့နိုင်ငံများနဲ့ အရည်အသွေးကိုဖော်ပြ တာဖြစ်ပါတယ်။ အနှစ်ချုပ်မှတ်ထားလျှင်တော့ 02(သို့မဟုတ်)20ဆိုလျှင် အရည်အသွေးနိမ့်၊ 08(သို့မဟုတ်)80 ဆိုလျှင် အရည်အသွေးအသင့်အတင့်၊ 03(သို့မဟုတ်)30၊04(သို့မဟုတ်)40 ဆိုလျှင် တရုတ်ပြည်မှာ ထုတ်တာဖြစ် ပြီး အရည်အသွေးကောင်းမွန်ပါတယ်။ 06,60 ဆိုလျှင်လည်းဟောင်ကောင်၊ တရုတ်၊မက္ကဆီကို စက်ရုံထုတ်များဖြစ်ပြီးအရည်အသွေးကောင်းမွန်ပါတယ်။ 05 ,01(သို့မဟုတ်)50,10 ဆိုလျှင် ဘရာဇီး၊USA သို့မဟုတ် ဖင်လန်စက်ရုံ ထုတ်များဖြစ်ကာ အရည်အသွေးအလွန်ကောင်းမွန်ပါတယ်။ 00 ဆိုလျှင် တော့ မူရင်းစက်ရုံထုတ်ဖုန်းဖြစ်ကာ အရည်အသွေးအကောင်းဆုံးဖြစ်ပါ တယ်။ 13 ဆိုလျှင်တော့ အရည်အသွေးအလွန်ညံ့ကာ ကျန်းမာရေးအတွက် လည်းအန္တရာယ်ရှိနိုင်မှာဖြစ်ပါတယ်။ 

အထက်ပါအချက်များနဲ့စစ်ဆေးလို့ရနိုင်သလို လက်ရှိပြည်တွင်းမှာ တရားဝင်ဖြန့်ဖြူးနေတဲ့ စမတ်ဖုန်းတံဆိပ်များဟာ သူတို့တိုက်ရိုက် တင်သွင်း တဲ့ စမတ်ဖုန်းများအတွက် Warranty ပေးလေ့ရှိပြီး ဖုန်းနဲ့အတူ အဆိုပါ warranty card သို့မဟုတ် ဟိုလိုဂရမ်အမှတ်တံဆိပ်ကပ်ထားတာတွေပါဝင် မှာဖြစ်ပြီးအဆိုပါ ကဒ်များက ဖုန်းအစစ်ဖြစ်ကြောင်းသက်သေခံနေတာ လည်းဖြစ်ပါတယ်။နာမည်ကြီးဖုန်းများနှင့်နာမည်ဆင်တူရိုးမှား၊ပုံစံဆင်တူရိုးမှားဖုန်းတွေကလည်းများစွာ ထွက်ပေါ်နေသောကြောင့် အဆိုပါဖုန်းများ ကိုလည်း သတိထားရမှာဖြစ်ပါတယ်။ မိမိတို့ရဲ့ အဖိုးတန်တဲ့ငွေကြေးတွေက ဖုန်းအဝယ်မှားတဲ့အတွက် အလဟဿဆုံးရှုံးပြီး စိတ်သောကရောက်စေ မယ့်အဖြစ်မျိုးတွေမကြုံရစေဖို့ မိမိတို့အနေနဲ့ အသေအချာလေ့လာ စစ်ဆေးပြီးမှဝယ်ယူသင့်ပါတယ်။ နောက်တစ်ချက်က မိမိတို့အနေဖြင့် ဖုန်းဝယ်လျှင် ဆိုင်မှာကတည်းက အားလုံးစစ်ဆေးပြီးလိုတာတွေ အားလုံး လုပ်ခဲ့လျှင် ချို့ယွင်းအားနည်းချက်တွေရှိခဲ့ပါက ချက်ချင်းသိနိုင်မှာပါ။ ဥပမာ SIM ကဒ်မိ၊ မမိ၊ Dual ဆိုလျှင် နှစ်ခုလုံး မိမမိ၊ microSD ကဒ်မှာ ကဒ်စိုက် ရမရ(အချို့ချောင်နေတတ်ပြီး မမိတာတွေဖြစ်တတ်ပါတယ်)၊ကင်မရာ အရည်အသွေး၊ Google Play သုံးလို့ရမရ၊ မိမိတို့များသောအားဖြင့် အသုံးပြုရမယ့် apps တွေတင်လို့ရမရ၊ မြန်မာစာရမရ၊ ဖုန်းခေါ်လျှင် အသံကြားမကြား(စပီကာပြဿနာဖြစ်တတ်ပါတယ်) စတဲ့အခြေခံ လိုအပ်ချက်တွေ ကိုဆိုင်မှာတည်းက အသေအချာစစ်ဆေးခဲ့ သင့်ပါတယ်။ ဘာကြောင့်လဲဆိုတော့ အဆိုပါပြဿနာလေးတွေက မကြာခဏကြုံတွေ့ နေကြလို့ပဲဖြစ်ပါတယ်။ဒီလိုအခြေခံအချက်လေးတွေသိရှိထားလျှင် မိမိတို့ အနေဖြင့် ဖုန်းအဝယ်မှားလို့စိတ်သောကရောက်ရမယ့်အခြေအနေမှ ရှောင်လွှဲနိုင်မှာပဲဖြစ်ပါတယ်။

ငြိမ်းချမ်း(BE-IT)

ဆောင်ရာသီးအလွှမ်း သို့ { ဒီမှာ } သွားလိုက်ပါ